१) जी व्यक्ती स्वाक्षरी करताना पहिले अक्षर थोडे मोठे काठतात ते विलक्षण प्रतिभावंत असतात. अशी लोकं हाती घेतलेल्या कार्याला विलक्षण पद्धतीने पूर्ण करतात. पहिले अक्षर मोठे काढून त्यानंतरची अक्षरे लहान लहान आणि सुंदर असल्यास ती व्यक्ती हळूहळू आपल्या मुक्कामाला पोहोचते. अशी स्वाक्षरी करणाऱ्या लोकांना अधिक सुख सुविधा प्राप्त होतात.
२) जी व्यक्ती किचकट अधिक गुंतागुतीची स्वाक्षरी काढतात ते त्यांच्या आयुष्यात अनेक समस्यांना सामोरे जात असतात. या लोकांना सुखी जीवन मिळणे कठीण असते. परिस्थितीमुळे हे लोक काही जणांना फसवू देखील शकतात. अशा व्यक्तींमध्ये यशस्वी होण्याची इच्छा असते मात्र त्यासाठी प्रयत्न करण्यास या व्यक्ती कमी पडतात. मात्र या व्यक्तींना कुणी दगा देऊ शकत नाही कारण हे चतुर असतात.
३) काही लोकं आपल्या सहीला अर्धवट किंवा तोडून तोडून लिहीतात. हस्ताक्षराचे शब्द हे छोटे असून ते अस्पष्ट देखील असतात.
त्यामुळे असे हस्ताक्षर ओळखणे थोडे कठीण होते. अशी लोक सहसा धुर्त असतात. ही लोक आपल्या कामाचं सिक्रेट कुणासमोर बोलत नाहीत. कधी कधी हे लोक चुकीच्या रस्त्यांवर जाऊन कुणालाही नुकसान देऊ शकतात.
४) जे लोक कलात्मक आणि आकर्षक हस्ताक्षर करतात ते रचनात्मक स्वभावाचे असतात. कोणतेही काम कलात्मक स्वरूपात करण्याकडे त्यांचा अधिक कल असतो. अशा हस्ताक्षर करणाऱ्या व्यक्ती जास्त करून कलाकार असतात.
५) काही लोकं हस्ताक्षराच्या खाली दोन रेषा ओढतात. अशी सही करणाऱ्या लोकांमध्ये असुरक्षिततेची भावना अधिक असते. असे लोक कोणतेही काम करताना अयशस्वी होण्यावरून चिंतेत असतात. खर्च करण्यामध्ये या लोकांचा आकडता हात असतो. अर्थात या लोकांना आपण कंजूस देखील म्हणू शकतो.
६) जे लोक हस्ताक्षरातील पहिले अक्षर मोठे आणि त्यानंतर आपले शेवटचे नाव म्हणजे आडनाव पूर्ण लिहीतात ते खूप यशस्वी होऊन जीवनात सुख सुविधा प्राप्त करतात. ईश्वरावर विश्वास ठेवणारे आणि धार्मिक कार्य करणे हा त्यांचा स्वभाव असतो.
७) ज्या व्यक्तींच्या हस्ताक्षरात लयबद्धता आठळत नाही त्या व्यक्ती मानसिक रूपात अस्थिर असतात. यांना मानसिक कार्यात अधिक श्रम करावे लागतात.
८) ज्या व्यक्तींच्या स्वाक्षऱ्या मधेच कापल्या सारख्या दिसतात त्या व्यक्ती नकारात्मक विचारांच्या असल्याचे स्पष्ट होते. यांना कोणत्याही कार्यात सर्वात प्रथम असफलता दिसते.
९) काही व्यक्तींचे अक्षर आणि त्यांचे हस्ताक्षर हे एक सारखेच असते अशा व्यक्ती त्यांची सगळी काम चांगल्या स्वरूपात करतात. प्रत्येक कामात अशा व्यक्ती संतुलन बनवून असतात. दुसऱ्यासमोर एक स्वभाव आणि प्रत्यक्षात एक अशा स्वरूपाचे नसतात. ज्या स्वभावाचे असतात त्या स्वभावाचेच ते कायम राहतात.
१०) जी व्यक्ती स्वाक्षरीला लिहीताना खालून वर घेऊन जातात ते लोक आशावादी असतात. निराशा ही त्यांच्या स्वभावातच नसते. अशा लोकांचा देवावर अधिक विश्वास असतो. या लोकांना आयुष्यात प्रगती करायची असते. अशी स्वाक्षरी करणाऱ्या व्यक्ती चांगल प्रतिनिधीत्व करू शकतात.
